Dorothy tampouco estaba alí: teoría da casa

Publicada por Bubela e da man de Manuel Celso Matalobos e Olga Patiño chega esta antoloxía, na que, ademais destes dous autores, participan Carlos Arias, Xesús Alfonso Parada, Mariña Pérez Rei, Xesús Manuel Valcárcel e eu mesma. Fala disto Armando Requeixo no seu blogue, Criticalia.

Aquí deixo unha pequeniña parte do meu texto, Dororothy tampouco estaba alí: teoría da casa, elaborado a partir de varias publicacións que tiveran lugar neste blogue entre 2009 e 2010.

(VII)

-Paseando cheguei a unha zapatería onírica.

-Eu estiven sempre aquí.

-Os zapatos, creo, teñen moito que ver cos soños.

-Si...ou coa liña.

-Queres dicir coa ficción?

-Algo así.

-Dorothy tampouco estaba alí.

-Na zapatería?

-Na liña tampouco.

-Dá igual. TI SIGUE O CAMIÑO DE BALDOSAS AMARELAS.